ازاى تتقل على حبيبتك ؟

ازاى تتقل على حبيبتك ؟

كثير اوى من الشباب بيقعوا فى غلطة فى التعامل مع حبيبته انه يبقى بالعامية 

كده مدلوق عليها وملهوف انه يكلمها كل ساعة ولا ساعتين وعلى طول مهتم بكل تفصيلة

الحقيقة بقى ان فى الزمن الاسود اللى احنا فيه ده ... انك تبقى مبين حبك أوى كده للبنت
بيحسسها بنفسها وانها مرغوبة وبطبعهم الى كلنا عارفينوا بيبتدوا يتغروا ويحسوا انك

مش شئ صعب الوصول ليه ده انت تحت ايديهم فى اى وقت لو حبت تكلمك هتكلمك

غير كده هى بترد عليك فى الوقت اللى هى عايزاه وانت طبعاً يا عينى عليك
محسسها انه مفيش غيرها فى الكون بص بقى يا معلم كل ده هيؤدى فى الأخر لحاجة
من الاتنين يا ائما هى اللى هتسيبك لما تشوف حد غيرك لا إئما هى اللى هتسيبك بردوا عشان لمؤأخذه زهقت منك وفى كلتا الحالتين انت اللى خدت استمارة 6 فى الاخر

طب إيه الحل ؟؟؟

ركز معايا بقى 

1 - اتعود دايماً انك لما تطلبها يبقى عشان بتقولها خبر معين مثلاً انك خارج او كده مش تكلمها تقولها كلام حب ووحشانى وكده خليك تقيل

2 - متكلمهاش عمال على بطال كفاية اوى مره او اتنين بالكثير فى اليوم هى لو مشتقالك هتتصل هى وش فا متقلقش من الحوار ده

3 - لما تكلمك قولها والله ده انا كان فى ايدى كذه ومشغول فى كذه بس عشان خاطرك هفضى نفسى شوية صغيرين ويبقوا هما الشوية الصغيرين دول ميعدوش 5 دقائق

وتنهى انت المكالمة تقولها طيب معلش بقى انا هقفل عشان ورايا حاجات كثير

4 - المكالمة اللى بعديها على طول تقولها كلمتين حلوين كده بس هما كلمتين متفتحش عالبحرى ليه بقى .. عشان هى تحس فعلاً انك عندك كذا حاجة مهمة جمبها وان مش هى كل حاجة فى حياتك عشان تعرف قيمتك ..

5 - لو اتخانقتوا مع بعض وانت الغلطان اوى يعنى مفيش مانع انك تصالحها لو ساقت العوج وتقلت بس يبقى جت منها تروح يا معلم عامل موبايلك Silent وهى يوم والتانى

وهتبقى هارياك تليفونات ومسجات متردش انت طبعاً خليك تقيل بقى بعد يومين 3 كده لما يكون طلع عين ابوها تروح باعتلها مسج عايزه ايه منى مش جيت صالحتك ومردتيش

انا فاضى دلوقتى 10 دقائق لو عايزة نتكلم شوية

6 - هتتصل هى بيك يا معلم بمنتهى البرود اول رد نعم خير ؟؟ هتروح هى اللى متأسفة ومعتذرة شوف مع انك انت الى كنت غلطان فى الأول ;) عيب عليك بقى انت مع الكبير دلوقتى ههههههههههههههه

7 - كل فتره كده قولها كلمتين حلوين ,, مش كل يوم تقولها بحبك ووحشتينى هيبقوا كلام عادى ملهوش معنى لكن لما تقعد فتره متقولهوش هتبقى هى مستنية تسمعوا على نار ولما تقولهولها هيبقى يوم عيد بالنسبالها 

8 - خلى دايماً فى حياتك استبن ( بنات تانية ) بس طبعاً مش فى مقام حبيبتك بس قريبين منك ليه بقى يا معلم ؟؟ , هتحتاجهم وش طبعاً يوم ما هتعمل نفسها تقيلة انت مش هتحس بحاجة ههههههههه وهينفعوا فى حوار التقل ده مره كده تسالك مين دى تقولها دى زى اختى بقضى معاها وقتى كله هتقولك ااه اختك 

9 - خلى حبيبتك دايماً على نار كده هتشتقالك اكثر وهتحبك اكثر لكن لو ادلقت عليها صدقنى يابنى هيركبوك وهتبقى من كماليات الحياة بالنسبالها مش من الأساسيات

ملحوظة : كل هذه النصائح مجربة وشغالة 100 % حتى سنة 2020 

هههههههههههههههههههههههه صباح الفل مستنى كومنتاتكم بقى وتعليقاتكم